తెలంగాణ పబ్లిక్ సర్వీస్ కమిషన్ (TGPSC) రాష్ట్రంలోని వివిధ ప్రభుత్వ శాఖల్లో ఖాళీల భర్తీకి సంబంధించి నిర్వహించనున్న 4 కీలక నియామక పరీక్షల షెడ్యూల్‌ను అధికారికంగా విడుదల చేసింది. తెలంగాణ కాలుష్య నియంత్రణ మండలి (PCB), రవాణా-రోడ్లు భవనాల శాఖ (R&B), పాఠశాల విద్యాశాఖలలోని పలు కేటగిరీల ఉద్యోగాలకు అక్టోబర్ మరియు నవంబర్ (2026) నెలల్లో రాత పరీక్షలు జరగనున్నాయి.
పరీక్షల షెడ్యూల్ పూర్తి వివరాలు:
TGPSC విడుదల చేసిన అధికారిక వెబ్ నోట్ ప్రకారం.. ఆయా పోస్టులకు సంబంధించిన పరీక్ష తేదీలు ఈ క్రింది విధంగా ఉన్నాయి.
| పోస్టు పేరు (Post) | ప్రభుత్వ శాఖ (Department) | పరీక్ష తేదీ (Exam Date) |
| అసిస్టెంట్ సైంటిస్ట్ (అనలిస్ట్ గ్రేడ్-II) | తెలంగాణ కాలుష్య నియంత్రణ మండలి (PCB) | 24 అక్టోబర్ 2026 |
| అసిస్టెంట్ ఎన్విరాన్‌మెంటల్ ఇంజనీర్ | తెలంగాణ కాలుష్య నియంత్రణ మండలి (PCB) | 26 అక్టోబర్ 2026 |
| అసిస్టెంట్ ఎగ్జిక్యూటివ్ ఇంజనీర్స్ (AEE – సివిల్) | రవాణా, రోడ్లు మరియు భవనాల శాఖ (R&B) | 06 & 07 నవంబర్ 2026 |
| డిప్యూటీ ఎడ్యుకేషనల్ ఆఫీసర్స్ (DEO) / గెజిటెడ్ హెడ్ మాస్టర్ (గ్రేడ్-I) | పాఠశాల విద్యాశాఖ (School Education Dept) | 12 & 13 నవంబర్ 2026 |
అభ్యర్థులు గమనించాల్సిన ముఖ్య విషయాలు:
-
ఈ నాలుగు నోటిఫికేషన్లకు సంబంధించిన పరీక్షలను పూర్తిగా కంప్యూటర్ బేస్డ్ టెస్ట్ (CBT) విధానంలోనే నిర్వహించనున్నట్లు TGPSC స్పష్టం చేసింది.
-
పరీక్ష తేదీకి వారం రోజుల ముందు నుంచి అభ్యర్థులు తమ హాల్ టికెట్లను TGPSC అధికారిక వెబ్‌సైట్ (websitenew.tgpsc.gov.in) నుంచి డౌన్‌లోడ్ చేసుకోవచ్చు.
-
సెంటర్ల కేటాయింపు, పరీక్ష సమయాలు తదితర వివరాలను త్వరలో వెలువడే హాల్ టికెట్లలో పొందుపరుస్తారు. అభ్యర్థులు పరీక్షల సమయం దగ్గర పడుతుండటంతో తమ ప్రిపరేషన్‌ను మరింత వేగవంతం చేసుకోవాలని నిపుణులు సూచిస్తున్నారు.
