నిరుద్యోగ మహిళలకు ఆంధ్రప్రదేశ్ ప్రభుత్వం ఒక మంచి అవకాశాన్ని కల్పించింది. శ్రీ సత్య సాయి జిల్లా పరిధిలోని అంగన్వాడీ కేంద్రాల్లో ఖాళీగా ఉన్న అంగన్వాడి సహాయకుల (ఆయా) పోస్టుల భర్తీకి అధికారిక నోటిఫికేషన్ విడుదలైంది. దీనికి సంబంధించిన పూర్తి వివరాలు మీకోసం:
ఉద్యోగ ప్రకటన వివరాలు
- సంస్థ పేరు: జిల్లా మహిళాభివృద్ది శిశు సంక్షేమ మరియు సాధికారత అధికారి వారి కార్యాలయము, శ్రీ సత్య సాయి జిల్లా.
- నోటిఫికేషన్ నెంబర్: 8849.
- పోస్టుల పేర్లు: అంగన్వాడి సహాయకులు (హెల్పర్స్ / ఆయా).
- మొత్తం ఖాళీలు: 230.
- పనిచేయాల్సిన ప్రదేశం: శ్రీ సత్య సాయి జిల్లాలోని కదిరి డివిజన్, ధర్మవరం డివిజన్ పరిధిలో.
ప్రాజెక్టుల వారీగా ఖాళీల వివరాలు
మొత్తం 230 ఖాళీలను వివిధ ఐ.సి.డి.యస్ (ICDS) ప్రాజెక్టుల వారీగా విభజించారు.
- కదిరి: 70 ఖాళీలు.
- నల్లచెరువు: 51 ఖాళీలు.
- ధర్మవరం: 21 ఖాళీలు.
- బత్తలపల్లి: 63 ఖాళీలు.
- సి.కె.పల్లి: 25 ఖాళీలు.
అర్హతలు & నిబంధనలు
- విద్యార్హత: దరఖాస్తు చేసుకునే అభ్యర్థులు 10వ తరగతి ఉత్తీర్ణులై ఉండాలి. ఆంధ్రప్రదేశ్ ఓపెన్ స్కూల్ ద్వారా పదవ తరగతి పాసైన వారు తప్పనిసరిగా టీ.సి లేదా స్టడీ సర్టిఫికేట్ జతపరచాలి.
- వయసు: 01.07.2026 నాటికి అభ్యర్థుల వయసు 21 సంవత్సరాల నుండి 35 సంవత్సరాల లోపు ఉండాలి.
- వైవాహిక స్థితి: దరఖాస్తు చేసే మహిళలు తప్పనిసరిగా వివాహితులై ఉండాలి.
- స్థానికత: అంగన్వాడి కేంద్రము ఉన్న గ్రామ మజరాలోనే స్థానికంగా నివాసం ఉంటున్న వారు మాత్రమే దరఖాస్తు చేసుకోవాలి.
- రిజర్వేషన్లు: SC మరియు ST హాబిటేషన్స్ లోని పోస్టులకు కేవలం ఆయా వర్గాలకు (SC/ST) చెందిన అభ్యర్థులు మాత్రమే అర్హులు.
గౌరవ వేతనం
- ఎంపికైన అంగన్వాడి సహాయకులకు నెలకు రూ. 7,000/- చొప్పున గౌరవ వేతనం చెల్లించడం జరుగుతుంది.
ఎంపిక విధానం
- ధృవీకరణ పత్రాల పరిశీలనతో పాటు, అభ్యర్థులు సి.డి.పి.ఓ (CDPO) వారు నిర్వహించే తెలుగు డిక్టేషన్ తప్పనిసరిగా పాస్ కావాలి.
దరఖాస్తు విధానం
- ఆఫ్లైన్ దరఖాస్తు: అభ్యర్థులు సంబంధిత ఐ.సి.డి.యస్ ప్రాజెక్టు (కదిరి, నల్లచెరువు, ధర్మవరం, బత్తలపల్లి మరియు సి.కె పల్లి) కార్యాలయంలో దరఖాస్తులను పొందాలి.
- నిర్ణీత నమూనాలో దరఖాస్తును పూర్తి చేసి, తిరిగి అదే ప్రాజెక్టు కార్యాలయంలో సమర్పించి రసీదు పొందాలి.
- జతచేయాల్సిన పత్రాలు: దరఖాస్తుతో పాటు 10వ తరగతి మార్కుల మెమో, ఆధార్ కార్డు, పుట్టిన తేదీ ధృవీకరణ, నివాస పత్రము, కుల ధృవీకరణ పత్రం (SC/ST/BC అయితే), మరియు వికలాంగులైతే దానికి సంబంధించిన పత్రాలను గజిటెడ్ అధికారిచే ధృవీకరణ (Attestation) చేయించి జతపరచాలి.
- దరఖాస్తు ఫారమ్ ముందు భాగంలో ఇటీవల తీసిన ఫోటోను అతికించి, దానిపై ఇంకు పెన్నుతో సంతకం చేయాలి.
ముఖ్యమైన తేదీలు
- దరఖాస్తుల స్వీకరణ ప్రారంభ తేదీ: 09-06-2026.
- దరఖాస్తుల సమర్పణకు చివరి తేదీ: 18-06-2026 (సాయంత్రం 5:00 గంటల వరకు మాత్రమే).
- గడువు ముగిసిన తర్వాత వచ్చే దరఖాస్తులను ఎట్టి పరిస్థితులలోనూ అంగీకరించరు.
మరిన్ని వివరాలు, రోస్టర్ పాయింట్లు మరియు ఖాళీల సమాచారం కోసం శ్రీ సత్య సాయి జిల్లా అధికారిక వెబ్సైట్ https://srisathyasai.ap.gov.in/ ను లేదా సంబంధిత సిడిపివో (CDPO) కార్యాలయాన్ని సంప్రదించవచ్చు.
