మహా శివరాత్రి లేదా ‘గ్రేట్ నైట్ ఆఫ్ లార్డ్’ అనేది ప్రపంచవ్యాప్తంగా ఉన్న హిందువులకు అత్యంత ముఖ్యమైన పండుగలలో ఒకటి. పార్వతీదేవిని శివుడు పెళ్లాడిన రోజునే ఈ పండుగగా జరుపుకుంటారు. శివరాత్రి రోజున శివభక్తులు శివానుగ్రహం కోసం కఠోరమైన ఉపవాసాన్ని పాటిస్తారు మరియు తరచుగా రాత్రంతా మేలుకొని శివునికి అంకితమైన భజనలు పాడుతూ ప్రార్థనలు చేస్తారు. శివరాత్రి నాడు , భక్తులు గంగలో లేదా సమీపంలోని ఏదైనా నదిలో పవిత్ర స్నానం చేస్తారు మరియు దేశవ్యాప్తంగా ఉన్న శివాలయాల్లో శివునికి పాలు, పండ్లు మరియు ఇతర నైవేద్యాలతో నివేదిస్తారు. శివుడిని అనేక పేర్లతో పిలుస్తారు. వారిలో మహాదేవ, పశుపతి, భైరవ, విశ్వనాథ్, భోలే నాథ్, శంభు మరియు శంకర్ ప్రముఖమైనవి.
మహా శివరాత్రి 2024 తేదీ మరియు సమయం
శివరాత్రి మార్చి 8, గురువారం
చతుర్దశి తిథి ప్రారంభ సమయం: మార్చి 8, 09:57 PM
చతుర్దశి తిథి ముగింపు సమయం: మార్చి 9, 06:17 PM
మహా శివరాత్రి 2024: తెలుసుకోవలసిన ముఖ్య మంత్రాలు
శివ మూల మంత్రం:
ఓం నమః శివాయ
మహా మృత్యుంజయ మంత్రం:
ఓం త్ర్యంబకం యజామహే సుగంధిం పుష్టి-వర్ధనమ్
ఉర్వారుకమివ బంధనాన్ మృత్యోర్ముక్షీయ మామృతాత్॥
రుద్ర గాయత్రీ మంత్రం:
ఓం తత్పురుషాయ విద్మహే మహాదేవాయ ధీమహి
తన్నో రుద్రః ప్రచోదయాత్
మహా శివరాత్రి 2024: పూజ ఎలా చేయాలి
ఈ పవిత్రమైన రోజున, భక్తులు ఉదయాన్నే మేల్కొని, ముందుగా పవిత్ర స్నానం చేయాలి. ఇంటిని ముఖ్యంగా పూజ గదిని శుభ్రం చేయండి. ముందుగా తమ పూజ గదిలో ఒక దీపాన్ని వెలిగించి, తమ హృదయంతో మరియు భక్తితో శివుడిని పూజించాలి. ఏదైనా శివాలయాన్ని దర్శించి, జలాభిషేకం చేయాలి. శివలింగానికి పంచామృతాన్ని కూడా సమర్పించవచ్చు. పంచామృతం అనగా ఐదు వస్తువుల మిశ్రమం – పాలు, పెరుగు, తేనె, సర్గర్ పౌడర్ మరియు నెయ్యి. ఇవి కలిపి కానీ, విడిగా కానీ శివ లింగంపై అభిషేకం చేస్తే శివా కటాక్షం పొందవచ్చు.
సర్వం శివార్పణం!
