ఐపీఎల్‌-2025లో వరుస ఓటముల తర్వాత ఎట్టకేలకు సన్రైజర్స్ హైద‌రాబాద్ రెండో గెలుపు సాధించింది. ఈరోజు ఉప్ప‌ల్ వేదిక‌గా పంజాబ్ కింగ్స్‌తో జ‌రిగిన మ్యాచ్‌లో ఎస్ఆర్‌హెచ్ 8 వికెట్ల తేడాతో భారీ విజ‌యాన్ని నమోదు చేసుకుంది. అయితే ఈ విజ‌యంలో కీలక పాత్ర పోషించిన స్టార్ ఓపెన‌ర్ అభిషేక్ శర్మ(141) అద్భుత‌మైన సెంచ‌రీతో కొన్ని అరుదైన రికార్డులను తన పేరిట లిఖించుకున్నాడు.
- కేవ‌లం 55 బంతుల్లో 14 ఫోర్లు, 10 సిక్స్‌ల‌తో 141 ప‌రుగులు చేసిన అభిషేక్ ఐపీఎల్‌లో అత్యధిక వ్యక్తిగత స్కోర్ సాధించిన ఇండియన్ ప్లేయర్గా రికార్డులకెక్కాడు. ఇప్పటిదాకా కేఎల్ రాహుల్(132) పేరిట ఉన్న ఈ రికార్డును అభిషేక్ చెరిపివేశాడు.
IPL చరిత్రలో అత్యధిక వ్యక్తిగత స్కోర్లు
1 క్రిస్ గేల్ 175* RCB vs వారియర్స్
2 బ్రెండన్ మెకల్లమ్ 158* KKR vs RCB
3 అభిషేక్ శర్మ 141 SRH vs PBKS
4 క్వింటన్ డి కాక్ 140* LSG vs KKR
5 AB డివిలియర్స్ 133* RCB vs MI
6 లోకేష్ రాహుల్ 132* KXIP vs RCB
7 AB డివిలియర్స్ 129* RCB vs GL
8 శుబ్మాన్ గిల్ 129 GT vs MI
9 క్రిస్ గేల్ 128* RCB vs DD
10 రిషబ్ పంత్ 128* DD vs SRH
- అలాగే ఐపీఎల్‌లో ఫాస్టెస్ట్ సెంచరీ చేసిన మూడో భారత బ్యాట్స్మెన్ గా అభిషేక్ రికార్డు సృష్టించాడు. 40 బంతుల్లో సెంచరీ చేసి ఈ జాబితాలో యూస‌ఫ్ ప‌ఠాన్‌(37 బంతులు) , ప్రియాన్ష్ ఆర్య(38 బంతులు) ల తర్వాతి స్థానాన్ని పొందాడు.
- అంతేకాదు ఐపీఎల్‌లో ఛేజింగ్‌లో అత్యధిక వ్యక్తిగత స్కోర్ సాధించిన ప్లేయర్గా కూడా అభిషేక్ ఘనత సాధించాడు. ఆస్ట్రేలియా స్టార్ ప్లేయ‌ర్ మార్కస్ స్టోయినిస్(124) పేరిట ఉన్న ఈ రికార్డును తాజా మ్యాచ్‌తో అభిషేక్ శర్మ అధిగ‌మించాడు.
THE ICONIC CELEBRATION OF ABHISHEK SHARMA FOR ORANGE ARMY. 🧡pic.twitter.com/AhNvQlTThW
— Mufaddal Vohra (@mufaddal_vohra) April 12, 2025
