విశాఖపట్నం జిల్లాలోని మహిళాభివృద్ధి మరియు శిశు సంక్షేమ మరియు సాధికారత అధికారి కార్యాలయం, ఐ.సి.డి.ఎస్. ప్రాజెక్టుల పరిధిలో ఖాళీగా ఉన్న అంగన్వాడీ కార్యకర్త పోస్టుల భర్తీకి దరఖాస్తులను ఆహ్వానిస్తోంది. అర్హత, ఆసక్తి ఉన్న స్థానిక మహిళా అభ్యర్థులు ఆఫ్లైన్ విధానంలో దరఖాస్తు చేసుకోవచ్చు.
పోస్టుల వివరాలు:
- పోస్టు పేరు: అంగన్వాడీ కార్యకర్త
- మొత్తం ఖాళీలు: 6
- ప్రాజెక్టుల వారీగా ఖాళీలు:
- భీమునిపట్నం ప్రాజెక్టు: 4
- విశాఖపట్నం ప్రాజెక్టు: 2
అర్హతలు:
- దరఖాస్తు చేసుకునే అభ్యర్థులు 10వ తరగతి ఖచ్చితంగా ఉత్తీర్ణులై ఉండాలి.
- సంబంధిత అంగన్వాడీ కేంద్రం పరిధిలో స్థానికంగా స్థిర నివాసం ఉన్న వివాహిత మహిళలు మాత్రమే ఈ పోస్టులకు దరఖాస్తు చేసుకోవాలి.
- వయోపరిమితి: 01.07.2026 నాటికి అభ్యర్థుల వయస్సు 21 సంవత్సరాలు నిండి, 35 సంవత్సరాల లోపు ఉండాలి.
- SC/ST లకు కేటాయించిన కేంద్రాల్లో 21 ఏళ్లు దాటిన అభ్యర్థులు అందుబాటులో లేనప్పుడు, 18 ఏళ్ల వయస్సు ఉన్న వారి దరఖాస్తులను కూడా పరిగణనలోకి తీసుకుంటారు.
వేతనం: * ఎంపికైన అభ్యర్థులకు నెలకు రూ. 11,500/- గౌరవ వేతనం చెల్లించబడుతుంది. ఎంపిక విధానం:
- అభ్యర్థుల ఎంపిక కోసం మొత్తం 100 మార్కులు కేటాయించారు.
- ఇందులో 10వ తరగతి ఉత్తీర్ణతకు 50 మార్కులు, మౌఖిక ఇంటర్వ్యూకి 20 మార్కులు ఉంటాయి.
- ప్రీ స్కూల్ టీచర్ ట్రైనింగ్ ఉన్నవారికి, వితంతువులకు, అనాథలకు, వికలాంగులకు అదనపు మార్కుల వెయిటేజీని ఇస్తారు.
దరఖాస్తు విధానం:
- అభ్యర్థులు ఆఫ్ లైన్ పద్ధతిలో దరఖాస్తు చేసుకోవాలి.
- నిర్ణీత దరఖాస్తు ఫారంలో వివరాలు నమోదు చేసి, నివాస, కుల, విద్యార్హత, వివాహ ధృవీకరణ పత్రాల నకళ్లపై గెజిటెడ్ అధికారితో అటెస్టేషన్ చేయించాలి.
- ఈ దరఖాస్తులను సంబంధిత శిశు అభివృద్ధి పథకపు అధికారి (సీడీపీఓ) కార్యాలయంలో నేరుగా గానీ, పోస్టు ద్వారా గానీ అందజేయాలి.
ముఖ్యమైన తేదీలు:
- దరఖాస్తు ప్రక్రియ ప్రారంభ తేదీ: 20-05-2026
- దరఖాస్తులకు చివరి తేదీ: 01-06-2026 సాయంత్రం 5.00 గంటల వరకు
- Application & Notification
- పూర్తి వివరాలకు వెబ్సైట్: https://visakhapatnam.ap.gov.in/
