సంక్రాంతి పండుగ హడావుడి థియేటర్లలో మొదలవడానికి ముందే, ఈ వారం (జనవరి 5 నుండి జనవరి 11 వరకు) డిజిటల్ ప్లాట్ఫారమ్లలో పలు క్రేజీ సినిమాలు, వెబ్ సిరీస్లు రాబోతున్నాయి.
ఇప్పటికే తెలుగు ఓటీటీ ప్లాట్ఫారమ్ ఈటీవీ విన్ (ETV Win) లో రోషన్ కనకాల నటించిన ‘మోగ్లీ’ (Mowgli) మంచి ఆదరణ పొందుతోంది. అడవి నేపథ్యంలో సాగే రొమాంటిక్ యాక్షన్ అడ్వెంచర్గా ఈ సినిమా నిలిచింది. అలాగే జియో హాట్స్టార్లో ‘LBW: లవ్ బియాండ్ వికెట్’ అనే క్రికెట్ ఆధారిత సిరీస్ కూడా ప్రేక్షకులను ఆకట్టుకుంటోంది.
ఇకపోతే ఈ వారం ముఖ్యంగా నందమూరి బాలకృష్ణ నటించిన ‘అఖండ 2 – తాండవం’ వంటి భారీ చిత్రంతో పాటు అంతర్జాతీయ స్థాయిలో గుర్తింపు పొందిన సిరీస్లు ప్రేక్షకులను అలరించనున్నాయి. నెట్ఫ్లిక్స్, అమెజాన్ ప్రైమ్, సోనీ లివ్ మరియు ఇతర ప్లాట్ఫారమ్లలో విడుదలయ్యే చిత్రాల పూర్తి వివరాలు చూద్దాం-
1. నెట్ఫ్లిక్స్లో “అఖండ 2 – తాండవం”
నందమూరి బాలకృష్ణ, దర్శకుడు బోయపాటి శ్రీను కాంబినేషన్లో వచ్చిన సూపర్ హిట్ చిత్రం ‘అఖండ’కు సీక్వెల్గా ‘అఖండ 2’ రూపొందింది. థియేటర్లలో సంచలనం సృష్టించిన తర్వాత, ఈ ఫాంటసీ యాక్షన్ థ్రిల్లర్ జనవరి 9న నెట్ఫ్లిక్స్లో స్ట్రీమింగ్కు రానుంది. ఇందులో బాలయ్య మార్క్ డైలాగులు, యాక్షన్ సీక్వెన్స్లు ప్రేక్షకులకు కన్నుల పండుగగా ఉండబోతున్నాయి.
2. ద నైట్ మేనేజర్ సీజన్ 2
హాలీవుడ్ యాక్షన్ థ్రిల్లర్ సిరీస్ ‘ద నైట్ మేనేజర్’ రెండో సీజన్ కోసం ప్రపంచవ్యాప్తంగా ఉన్న ప్రేక్షకులు ఎంతో ఆసక్తిగా ఎదురుచూస్తున్నారు. టామ్ హిడిల్స్టన్ ప్రధాన పాత్రలో నటించిన ఈ స్పై థ్రిల్లర్ జనవరి 11 నుండి అమెజాన్ ప్రైమ్ వీడియోలో అందుబాటులోకి రానుంది. గూఢచారి నేపథ్యంలో సాగే ఈ సిరీస్ ఉత్కంఠభరితమైన మలుపులతో సాగనుంది.
3. డీ డే ప్యార్ దే 2
అజయ్ దేవగన్, రకుల్ ప్రీత్ సింగ్ ప్రధాన పాత్రల్లో నటించిన రొమాంటిక్ కామెడీ ఎంటర్టైనర్ ‘డీ డే ప్యార్ దే’ సీక్వెల్ జనవరి 9న నెట్ఫ్లిక్స్లో విడుదల కాబోతోంది. ఈసారి కథలో ఆర్. మాధవన్ కూడా చేరడంతో వినోదం రెట్టింపు కానుంది. వయసు అంతరంతో కూడిన ప్రేమకథలో ఎదురయ్యే తమాషా సంఘటనలు ఈ చిత్రంలో ప్రధాన ఆకర్షణ.
ఇవికాక మరిన్ని రియాల్టీ షోలు వీక్షకుల ఇంట సందడి చేయబోతున్నాయి. అవి జనవరి 5 నుండి ప్రారంభం అవుతున్న మాస్టర్ చెఫ్ ఇండియా సీజన్ 9, షార్క్ ట్యాంక్ ఇండియా సీజన్ 5. ఈ రెండూ సోనీ లివ్లో ప్రసారం అవుతున్నాయి
వివిధ ప్రసారాల షెడ్యూల్
| విడుదల తేదీ | సినిమా / సిరీస్ పేరు | ఓటీటీ ప్లాట్ఫారమ్ | భాషలు |
| జనవరి 5 | మాస్టర్ చెఫ్ ఇండియా S9 | సోనీ లివ్ (Sony LIV) | హిందీ, తెలుగు (డబ్బింగ్) |
| జనవరి 5 | షార్క్ ట్యాంక్ ఇండియా S5 | సోనీ లివ్ (Sony LIV) | హిందీ |
| జనవరి 9 | అఖండ 2 – తాండవం | నెట్ఫ్లిక్స్ (Netflix) | తెలుగు, తమిళం, హిందీ |
| జనవరి 9 | డీ డే ప్యార్ దే 2 | నెట్ఫ్లిక్స్ (Netflix) | హిందీ |
| జనవరి 9 | పీపుల్ వి మీట్ ఆన్ వెకేషన్ | నెట్ఫ్లిక్స్ (Netflix) | ఇంగ్లీష్ |
| జనవరి 11 | ద నైట్ మేనేజర్ సీజన్ 2 | ప్రైమ్ వీడియో (Prime Video) | ఇంగ్లీష్, హిందీ |
